Fransiya prezidenti Emmanuel Makron Ukrainadagi harbiy to‘qnashuvlar haqida gapira turib urush uzoq davom etishini aytdi. Bu fikrni u Parij g‘arbidagi Port de Versal markazida bergan bayonotida bildirgan. “Bu urush va (*uning ortidan keladigan) inqiroz uzoq davom etadi. Shuning uchun biz tayyorgarlik ko‘rishimiz kerak”, – degan Makron.

“Urush Rossiya prezidenti Vladimir Putinning bir tomonlama tanloviga aylandi. Biz tinchlik oʻrnatish va uni himoya qilishga harakat qilishimiz, shuningdek, zarur choralarni koʻrishimiz, sanksiyalarni qoʻllashimiz va kurashni davom ettirishimiz kerak”, – deya ta’kidlagan u. Fransiya rahbari, urush oqibatlari birinchi navbatda fransuz tovarlari eksportiga ta’sir qilishini qo‘shimcha qilgan. Shuningdek, u metallurgiya va logistika sohasida yuzaga kelishi mumkin bo‘lgan muammolar, elektr energiyasi narxi oshishi mumkinligi haqida ham eslatgan.

• Fransiya
• Rossiya
• Ukraina
• Urush
• Xorij