Surxondaryoda fuqarolarni Janubiy Koreyaga ishga jo‘natishni va’da qilib, 400 ming dollardan ortiq mablag‘ni qo‘lga kiritgan shaxslar fosh etildi.

Aniqlanishicha, “K.M.” nodavlat ta’lim muassasasi ta’sischisi va boshqalar 6 ta viloyatda yashovchi 63 nafar fuqaroning ishonchiga kirib, ularni Koreyaga ishga yuborishni aytgan va jami 408,8 ming AQSH dollarini firibgarlik yo‘li bilan olgan.

Holat yuzasidan Jinoyat kodeksining firibgarlikka oid moddasi bilan jinoyat ishi qo‘zg‘atilib, tergov harakatlari olib borilmoqda.