15-may kuni O‘zbekistonning ayrim hududlarida havo harorati 37 darajagacha issiq bo‘lishi kutilmoqda. Bu haqda “O‘zgidromet” ob-havo prognozida ma’lum qilindi.

Toshkent shahrida havo o‘zgaruvchan bo‘ladi, yog‘ingarchilik kutilmaydi. Harorat kechasi 16-18 daraja, kunduzi esa 32-34 darajani tashkil etadi.

Qoraqalpog‘iston Respublikasi hamda Xorazm viloyatida shamol ayrim joylarda kuchayib, chang-to‘zonlar kuzatilishi mumkin. Harorat kunduzi 30-35 darajagacha yetadi.

Buxoro, Navoiy, Qashqadaryo va Surxondaryo viloyatlarida esa eng yuqori harorat kuzatilib, havo 37 darajagacha isishi prognoz qilinmoqda.

Toshkent, Sirdaryo, Jizzax va Samarqand viloyatlarida harorat 30-35 daraja atrofida bo‘ladi.

Andijon, Namangan va Farg‘ona viloyatlarida ham yog‘ingarchilik kutilmaydi. Harorat kunduzi 30-35 darajagacha ko‘tariladi.

Tog‘li hududlarda esa ayrim joylarda qisqa muddatli yomg‘ir yog‘ishi va momaqaldiroq bo‘lishi mumkin.