Farg‘ona viloyatida qo‘shni davlatdan kirib kelgan Volvo rusumli yuk mashinasi g‘ildiraklari orasidan qariyb 20 kilogramm narkotik modda topildi. Bu haqda Davlat xavfsizlik xizmati xabar berdi.

Ma’lumotga ko‘ra, DXX Chegara qo‘shinlari tomonidan Rishton tumani “Dehqonobod” mahallasida o‘tkazilgan tezkor tadbir davomida g‘ildiraklar ichiga yashirilgan giyohvandlik vositalari olinayotgan vaqtda bir nechta shaxslar qo‘lga olingan.

Jami 3 kg 408 gramm opiy va 16 kg 405 gramm gashish moddasi aniqlanib, huquq-tartibot organlari tomonidan rasmiylashtirib olindi. Hozirda holat yuzasidan jinoyat ishi qo‘zg‘atilgan.