Kompaniya vakili Kris Lixeynning aytishicha, SI texnologiyasi endi oddiy savdo yoki alohida davlatlar qoidalari bilan cheklanib qolmaydi. U butun dunyo uchun umumiy nazorat va xavfsizlik tizimini talab qilmoqda.

Taklifga ko‘ra, yangi global tuzilma atom energiyasi sohasini nazorat qiluvchi International Atomic Energy Agency (MAGATE)ga o‘xshashi mumkin. Ya’ni u sun’iy intellekt bo‘yicha xavfsizlik standartlarini belgilab beruvchi xalqaro organ bo‘ladi.

OpenAI vakillari bu g‘oya bo‘yicha AQSh rasmiylari bilan muzokaralar o‘tkazgan. Biroq, hali bu tashabbusni qaysi davlatlar qo‘llab-quvvatlashi va Xitoyning ishtiroki bo‘ladimi — aniq emas.