Xalqaro uzumchilik va vinochilik tashkiloti (OIV) ma’lumotiga ko‘ra, 2025-yilda butun dunyoda 208 million gektolitr vino iste’mol qilingan. Bu ko‘rsatkich 2024-yilga nisbatan 2,7 foizga, 2018-yilga nisbatan esa 14 foizga kamdir.

Mutaxassislar buning asosiy sabablarini turmush tarzidagi o‘zgarishlar va iqtisodiy noaniqlik bilan izohlashmoqda

Eng yirik bozorlar — AQSh, Germaniya, Fransiya va Italiyada iste’mol sezilarli darajada kamaygan. Xitoyda esa eng katta pasayish — 13 foiz qayd etilgan.

Shu bilan birga, Portugaliya, Braziliya va Yaponiyada vino iste’moli oshgan.

Ekspertlarga ko‘ra, tokzorlar maydoni qisqarishda davom etmoqda, eksport hajmi esa so‘nggi 15 yildagi eng past darajada qolmoqda. So‘nggi 25 yil ichida dunyodagi tokzorlarning 10 foizi yo‘q bo‘lib ketgan.

Avvalroq esa har qanday miqdorda alkogol iste’moli demensiya (aqliy zaiflik) xavfini oshirishi mumkinligi haqida ogohlantirish berilgan.