TikTok va uning bosh kompaniyasi “Bytedance” amerikalik 10 yoshli foydalanuvchi “Blackout” tanlovini yakunlash chog‘ida vafot etganidan so‘ng sudga tortildi. Qizning onasi platforma qiziga xavfli tendensiyaga ega videoni tavsiya qilishda beparvolik qilgan va “past sifatli mahsulotni tarqatmoqda” deb hisoblaydi.

10 yoshli amerikalik qizning onasi TikTok va uning bosh kompaniyasi “Bytedance”ni e’tiborsizlikda va qizi platformaning mashhur “Blackout” tanlovini yakunlayotganda vafot etganidan keyin sifasiz mahsulot tarqatishda aybladi. Bu haqda AQSHning “Forbes” nashri xabar bermoqda.

“Blackout Challenge” ishtirokchilari nafaslarini ushlab turishadi yoki hushidan ketguncha turli xil narsalar bilan shu-ullanishadi. Nashr ma’lumotlariga ko‘ra, 10 yoshli Neila Anderson ilovada uzoq vaqtdan beri videolari aylanib yurgan challenjda ishtirok etishi oqibatida vafot etgan. Qizning onasi Tavaynna Andersonning so‘zlariga ko‘ra, uning qizi xavfli tendensiya haqida noto‘g‘ri ijtimoiy tarmoq algoritmi tufayli bilib olgan – foydalanuvchi tavsiyalar sahifasida chellenj haqidagi videoni ko‘rgan.

“TikTok algoritmi ushbu xavfli tendensiya 10 yoshli Neilani qiziqtirishi mumkinligini aniqladi, u chellenj natijasida u vafot etdi”, – deyiladi bayonotda. 

Da’vo matniga ko‘ra, yana to‘rt nafar bola, shu jumladan, 2021  yilning yanvar oyida italiyalik 10 yoshli qizaloq sinovni yakunlash chog‘ida halok bo‘lgan.

• AQSh
• Forbes
• TikTok