O‘zbekistonga 2023-yil yanvar va dekabr oylarida 30 ta davlatdan umumiy qiymati 197 mln 842 ming dollar miqdoridagi gumanitar yordam yuklari kirib keldi. Bu haqda Iqtisodiyot va Moliya vazirligining hisobotida aytib o‘tildi.

Hisobotga ko‘ra, gumanitar yordamning asosiy ulushi quyidagi davlatlar hissasiga to‘g‘ri keladi:

- Germaniya –71 mln 379,4 ming dollar yoki yordamning 36 foizi;
- Xitoy –27 mln 467,6 ming dollar, 13,9 foiz;
- AQSh –23 mln 234,2 ming dollar, 11,8 foiz;
- Belgiya –22 mln 620,2 ming dollar, 11,4 foiz;
- Shveysariya –20 mln 757,8 ming dollar, 10,5 foiz.

Kirib kelgan gumanitar yordam sohalar kesimida:
- sog‘liqni saqlashga –169 mln 233,5 ming dollar;
- ijtimoiy sohaga –1 mln 244,4 ming dollar;
- ekologiya va atrof-muhitni muhofaza qilishga –943,2 ming dollar;
- ta’limga –247,2 ming dollar yo‘naltirilgan.

Yordamlar gumanitar yordam oluvchi tashkilotlar bo‘yicha:

- SSV huzuridagi Sanitariya-epidemiologik osoyishtalik va jamoat salomatligi xizmatiga –58,2 foiz;
- “Ta’minot va logistika xizmati” unitar korxonasiga –17,2 foiz;
- Gematologiya ilmiy tadqiqot institutiga–10,5 foiz;
- “Sog‘lom avlod uchun” xalqaro xayriya fondiga–11,2 foiz ulush to‘g‘ri keladi.

• Gumanitar yordam
• SSV