Qozog‘iston prezidenti Qosim-Jo‘mart To‘qayev 27-sentabr kuni mudofaa vaziri Dauren Kosanovni lavozimidan ozod etdi. Bu haqda Oq o‘rda ma’lum qildi.

Vazirning ishdan olinishi uchun rasmiy sabab keltirilmagan. Qaror Kaspiy dengizida harbiy mashg‘ulotlar vaqtida 17 nafar harbiy xizmatchi oqib ketib, ulardan 14 nafari halok bo‘lganidan bir necha kun o‘tib qabul qilindi.

Hodisa 24-sentabr kuni meteorologik sharoitning keskin yomonlashuvi va kuchli shamol sabab yuz bergan. Uch nafar harbiy qutqarilgan, ulardan biri shifoxonada davolanmoqda.

Halok bo‘lgan harbiylar yuzasidan jinoiy ish qo‘zg‘atilgan. Tergov doirasida besh nafar mas’ul shaxs qo‘lga olingan. Ular xizmatga sovuqqonlik bilan munosabatda bo‘lish hamda kemani boshqarish qoidalarini buzishda gumon qilinmoqda.

25-sentabr kuni Qozog‘istonda halok bo‘lgan harbiylar uchun milliy motam e’lon qilingan.