Bugungi qahramonimiz Shohida Yusupova. U endigina 22 yosh bo‘lishiga qaramasdan Amerika, Hindiston, Misr, Turkiya, Ruminiya, Italiya, Bangladesh va Afrika kabi ko‘plab davlatlarda o‘tkazilgan Xalqaro tanlovlar g‘olibasi hamda Zulfiya mukofoti sohibasidir.

Shohida dunyoga mashhur Harvard universitetining “Leadership: Creating Public Value” kursi va Berlin Xalqaro Biznes va menejment institutining “Marketing va kommunikatsiyalar” yo‘nalishi bo‘yicha kursini muvaffaqqiyatli tamomlagan. U ayni damda O‘zbekiston jurnalistika va ommaviy kommunikatsiyalar universitetining bitiruvchisi hisoblanadi.

Hozirgi kunda o‘zbek, turk va ingliz tillarida badiiy tarjimalar bilan ham shug‘ullanadi. Bir qancha davlatlar xalqaro fondlarining yosh elchisi sifatida faoliyat yuritayotgan Shohida yosh ijodkorlarning ijodiy ishlarini ham dunyoning turli davlatlarida nashr qilinishida yordam berib kelmoqda. Hozirgi kunda 20 ga yaqin davlatlar bilan hamkorlikda ish olib boradi.

• Intervyu