Avstraliyaning Melburn şahrida joylaşgan 48 qavatli ofis binosining taşqi devorlari va tomiga 1 391 ta quyoş paneli örnatildi. Burk köçasidagi 435-uyda joylaşgan binoga integratsiya qilingan tizim 375 kVtgaça elektr energiyasi işlab çiqarişi mumkin. U 2026-yil oxirida töliq işga tuşirilgaç, binoning elektr energiyasiga bölgan ehtiyojining 20 foizigaça qismini qoplaşi kutilmoqda.

Loyiha Avstraliya hukumati tomonidan moliyalaştirilgan bölib, köp qavatli tijorat binolarining taşqi devorlariga quyoş panellarini keng kölamda örnatiş böyiça dunyodagi ilk yirik loyihalardan biri hisoblanadi. Panellar binoning 2 680 kvadrat metrdan ortiq taşqi maydonini egallagan.

Tizim ikki tomonlama işlaydigan monokristalli quyoş elementlaridan taşkil topgan. Panellar quyoş nuridan elektr energiyasi işlab çiqariş bilan birga, bino içiga ortiqça issiqlik kirişini ham kamaytiradi. Içki yuzalardan qaytgan yoruğlik panellarning orqa tomoniga tuşib, qöşimça energiya işlab çiqarişga xizmat qiladi.

Quruvçi Cbus Property kompaniyasi boş direktori Kris Kakufasning ta’kidlaşiça, loyiha binoning elektr energiyasi xarajatlarini va elektr tarmoğidan foydalaniş bilan boğliq zararli çiqindilarni kamaytirişga yordam beradi.

Mazkur loyiha BIPV (Building Integrated Photovoltaics) texnologiyasi asosida amalga oşirilgan. Uşbu texnologiyada quyoş panellari binoning taşqi konstruksiyasiga bevosita integratsiya qilinib, bir vaqtning özida quriliş materiali va elektr energiyasi manbayi vazifasini bajaradi.

Ma’lumot uçun, 2024-yil noyabr oyida Ğarbiy Melburnda ham taşqi devorlariga 1 182 ta quyoş paneli örnatilgan sakkiz qavatli ofis binosi foydalanişga topşirilgan edi. Yangi loyihadagi panellarning umumiy quvvati esa 375 kVtni taşkil etib, avvalgi şunday loyihadagi körsatkiçdan ikki baravar yuqori ekani qayd etilgan.