27°
Kechasi 17°
Xitoyda nafaqaxo‘r ayol qariyalar uyidan ikki metrlik panjarani bosib o‘tib, qochib ketgan. Bu haqda “The Straits Times” xabar berdi.
Qayd etilishicha, Shandun provinsiyasida yashovchi 92 yoshli ayol qariyalar uyida qolishni istamay, qochib ketgan. Voqea esa videokuzatuv kameralariga tushib qolgan. Videoda bo‘yi bor-yo‘g‘i 1,6 metr bo‘lgan nafaqaxo‘r epchillik bilan to‘siqni yengib o‘tgan. Uning qochishi uchun esa 24 soniya vaqt ketgan.
Video ijtimoiy tarmoqlarda tarqaldi va 4-iyuldan buyon 1,2 milliondan ortiq ko‘rilgan. Ayol qochib ketgan qariyalar uyi direktorining aytishicha, u qochib ketganidan ko‘p o‘tmay xuddi shu hududda topilgan. Uning so‘zlariga ko‘ra, keksa ayol Altsgeymer kasalligidan aziyat chekadi. Shuningdek, u ilgari qoyaga ko‘tarilish va fitnes bilan shug‘ullangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
