Germaniyada soliq to‘lashdan bo‘yin tovlash va pul yuvishda gumon qilinayotgan rossiyalik tadbirkor Alisher Usmonovning advokatlari unga qarshi YeI sanksiyalariga e’tiroz bildirish maqsadida Germaniyaning Karlsrue federal konstitutsiyaviy sudiga da’vo arizasi bilan murojaat qilishni rejalashtirmoqda. Bu haqda “Suddeutsche Zeitung” gazetasi xabar berdi.
Nashrning ma’lumotlariga ko‘ra, Usmonovning advokatlari Yevropa Ittifoqi tomonidan rossiyalik tadbirkorga nisbatan joriy qilingan sanksiyalar Germaniyaning asosiy qonuniga (Konstitutsiyasi) zid ekanini isbotlamoqchi. Da’vo arizasi doirasida tayyorlangan yuridik fikr muallifi professor Ditrix Mursvikdir. Hujjat 110 sahifadan iborat. Unda ta’kidlanishicha, Yevropa Ittifoqi Ukrainadagi mojaro uchun javobgar bo‘lmagan shaxslarni sanksiyalar ro‘yxatiga kiritishi “inson qadr-qimmati”ga to‘g‘ri kelmaydi.
Bu fikrda ta’kidlanganidek, “Germaniya konstitutsiyaviy o‘ziga xosligi”ni ham buzadi. Gazetaning yozishicha, Mursvik Germaniyaning O‘zbekistondagi elchixonasi nomidan xulosa yozgan. Hujjatda advokat Yevroittifoq Ukrainadagi voqealar uchun adashib javobgar bo‘lgan va sanksiyalar ro‘yxatiga kiritilgan shaxslarni himoya qiladi. Bu odamlar, xulosada aytilganidek, “tashqi siyosat garovi”dir.
“Ularga Rossiya prezidenti Vladimir Putinga shunchaki bosim o‘tkazish vositasi sifatida qaralmoqda”, – deyiladi nashr ma’lumotlarida.
Mursvikning ekspert xulosasi Yevropa Ittifoqining sanksiyalari “jabrlanganlarni siyosiy o‘yinga aylantirayotgani”, “inson qadr-qimmatiga zid” degan ayblovni ham o‘z ichiga oladi. Biroq gazetaning yozishicha, 110 sahifalik ekspert xulosasida Usmonovning ismi ko‘rsatilmagan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!