Xoʻjaobod tumanida tanishlarining telefon apparatlarini sotib yuborib uning pullarni “1xbet” totalizator oʻyini orqali yutqazib yuborgan fuqaroga nisbatan jinoyat ishi qoʻzgʻatilgan.

Xoʻjaobod tumanida yashovchi fuqaro R.N. internet tarmogʻida tavakkalchilikka asoslangan “1XBET” totalizator oʻyinini oʻynab, oʻzining juda koʻp miqdordagi pul mablagʻlarini yutqazib yuborgan va keyingi oʻyinlarga pul topish maqsadida tanishlarining mol-mulklarini firibgarlik yoʻli bilan qoʻlga kiritishni rejalashtirgan.

Shundan soʻng, tanishlari fuqaro R.F.ning narxi 2 mln. 500 ming soʻmlik “Samsung 51A” hamda K.O.ning narxi 12 mln. 800 ming soʻmlik “iPhone 12 Pro” rusumli uyali telefonlarini foydalanish uchun olib, telefon apparatlarni Andijon shahri “Yangi bozor” hududida 2 mln. 500 ming soʻmga sotgan va ushbu pullarni “1xbet” totalizator oʻyinida yutqazib yuborgan.

Maʼlum qilinishicha, mazkur holat yuzasidan Xoʻjaobod tuman IIB huzuridagi tergov guruhi tomonidan Oʻzbekiston Respublikasi Jinoyat kodeksining 168-moddasi 3-qismi “b” bandi bilan jinoyat ishi qoʻzgʻatilib, fuqaro R.N qamoqqa olingan. Hozirda jinoyat ishi yuzasidan dastlabki tergov harakatlari olib borilmoqda.

• Andijon
• IIB