IIV xabariga ko‘ra, Dastlab, 1993-yilda tug‘ilgan fuqaro boshqaruvidagi Cobalt avtomobilini ko‘zdan kechirish natijasida transport vositasidan 83 gramm “mefedron” sintetik giyohvandlik vositasi topilgan. Shundan so‘ng Yunusobod tumanida o‘tkazilgan tezkor tadbir davomida 2007-yilda tug‘ilgan jinoiy guruhning yana uch nafar a’zosi qo‘lga olingan.

Ularning yonidagi sumkadan 730 ta qadoqlangan doza “mefedron” musodara qilindi, ular ijaraga olgan xonadonda esa 354 ta o‘ramda “alfa-PVP” va 500 gramm “mefedron” topilgan.

Aniqlangan jinoiy guruh yetakchisini qo‘lga olishga qaratilgan tezkor-qidiruv tadbiri davomida 1984-yilda tug‘ilgan asosiy ombor mudiri ushlanib, uning 1996-yilda tug‘ilgan turmush o‘rtog‘ining yashash joyida zudlik bilan tezkor-qidiruv harakatlari o‘tkaziladi.

Xonadondan 4 kg 200 gramm “alfa-PVP” va 9 kg “mefedron” hamda giyohvand moddalarni qadoqlashda ishlatiladigan boshqa ashyoviy dalillar olinadi.

Tezkor-qidiruv tadbirlari natijasida aholi orasida 17 kg miqdoridagi sintetik giyohvandlik vositalarining tarqalishiga chek qo‘yilgan.

Mazkur holat yuzasidan Jinoyat kodeksining 273-moddasi beshinchi qismi bilan jinoyat ishi qo‘zg‘atilib, gumonlanuvchilarga nisbatan qamoqqa olish tarzidagi ehtiyot chorasi qo‘llanilgan.

• Giyohvandlik
• IIV
• Jinoyat