Andijonda hayvonot bog‘i ishchisi ayiqlar hujum qilishi oqibatida vafot etdi. U hayvonlarni ovqatlantirmoqchi bo‘lgan.

Hayvonot bog‘i mas’ullari voqeani tasdiqlab, ishchi xavfsizlik qoidalariga amal qilmaganini ta’kidlagan.

2023-yil 03-yanvar kuni soat 16:00 larda Xo‘jaobod tumani Mustaqillikning 27 yilligi MFY hududida joylashgan Andijon hayvonot bog‘i ishchisi A.G ayiq yovvoyi hayvoniga ovqat berish maqsadida uning qafasiga kirgan vaqtida, ayiq unga tashlanib, bo‘yin qismidan tishlab olishi oqibatida og‘ir tan jarohati olib, hodisa joyida vafot etgan.

Mazkur holat Xo‘jaobod tumani IIB tomonidan tegishli tartibda ro‘yxatdan o‘tkazilib, hodisa joyi tuman IIB tezkor-tergov guruhi tomonidan ko‘zdan kechirilgan.

Fuqaro A.G. olgan tan jarohatlarining og‘irlik darajasi va uning o‘lim sababini aniqlash maqsadida sud-tibbiyot ekspertizasi tayinlangan.

Marhumning qizi hodisaga mas’ullar tomonidan yetarlicha baho berilmayotganini aytib, maurojaat bilan chiqqan.

• Andijon
• Hayvonot bo‘i
• O'lim