Toşkent metropolitenining kelgusida quriladigan yangi liniyalari va bekatlarida poyezdlarning keliş hamda ketiş vaqtini aniq körsatuvçi zamonaviy elektron tablolar örnatiladi. Bu haqda 3-noyabr kuni “Toşkent metropoliteni” AJ boşqaruvi raisi örinbosari Yöldoş Yusupov ma’lum qildi.

Uning aytişiça, hozirda metro bekatlaridagi elektron tablolarda navbatdagi poyezd kelişiga qança vaqt qolgani emas, balki avvalgi poyezd bekatdan jönab ketganidan buyon ötgan vaqt aks ettiriladi. Amaldagi bekatlarda yangi taymer va elektron soatlarni örnatiş texnik imkoniyatlar çeklangani sababli qiyin.

Biroq prezidentning 2026-yil 15-maydagi 191-sonli qaroriga muvofiq, kelgusida quriladigan metro liniyalari va bekatlarida poyezdlarning keliş va ketiş vaqtini körsatuvçi intellektual elektron tablolarni bosqiçma-bosqiç joriy etiş rejalaştirilgan. Mavjud bekatlardagi elektron tablolar qaçon yangilanişi hozirça ma’lum qilinmagan.

Matbuot anjumanida metropoliten infratuzilmasini kengaytiriş böyiça amalga oşirilayotgan işlar ham ma’lum qilindi. Qayd etilişiça, sönggi yetti yil davomida Toşkentda 33 kilometr yangi metro yönalişi qurilib, 21 ta bekat foydalanişga topşirilgan. Natijada bekatlar soni 50 taga, metro yönalişlarining umumiy uzunligi esa 71 kilometrga yetgan.

Şuningdek, 2021-yilda kuniga örtaça 280–300 ming yölovçiga xizmat körsatgan metropolitenning 2026-yildagi kunlik yölovçilar oqimi 1,2 million nafardan oşgan. Tiğiz vaqtlarda poyezdlar harakati oraliği Çilonzor yönalişida 1,5–2 daqiqagaça, Özbekiston yönalişida 3 daqiqagaça, Yunusobod yönalişida 4 daqiqagaça qisqartirilgan.

Metropoliten ma’lumotiga köra, 2027-yilda 14 ta zamonaviy, beş vagonli poyezd tarkibini xarid qiliş rejalaştirilgan. 2030-yilgaça esa bekatlar sonini 79 taga, metro yönalişlarining umumiy uzunligini 103 kilometrga, kunlik yölovçilar sonini 1,8 million nafarga yetkaziş közda tutilgan.