15°
Kechasi 2°
Prezident Iqtisodiy taraqqiyot va kambag‘allikni qisqartirish vazirligiga tadbirkorlarni qo‘llab-quvvatlash bo‘yicha qo‘shimcha chora-tadbirlar ishlab chiqish bo‘yicha topshiriq berdi. Bu haqda Bosh vazir o‘rinbosari – iqtisodiy taraqqiyot va kambag‘allikni qisqartirish vaziri Jamshid Qo‘chqorov maʼlum qildi.
Jamshid Qo‘chqorovning taʼkidlashicha, tijorat banklari va Markaziy bank tomonidan ko‘rilayotgan chora-tadbirlar natijasida aholiga Rossiya rublida pul o‘tkazmalari uzluksiz amalga oshirish taʼminlangan. Shuningdek, bu boradagi ishlarni davom ettirish topshirildi.
“Ayrim tadbirkorlar erkin konvertatsiya qilinadigan valyutada kreditni qanday to‘lashi haqida tashvishlanayotgan bo‘lishi mumkin. Xabaringiz bor, o‘tgan yilning avgust oyida prezidentimiz tadbirkorlar bilan uchrashuvda ushbu kreditlarni so‘mda to‘lash imkoniyatini yaratish bo‘yicha topshiriq bergan edi. Bu mexanizmdan har qanday tadbirkor foydalanishi mumkin.
Oziq-ovqat mahsulotlari narxi keskin oshishining oldini olish maqsadida ayrim oziq-ovqat mahsulotlariga bojxona to‘lovlarini nolga tushirish imkoniyati ko‘rib chiqilmoqda. Biz bu masala bo‘yicha tegishli qaror kiritamiz”, – deydi Jamshid Qo‘chqorov.
Qayd etilishicha, mehnat muhojirlari muammolarini hal qilish uchun Iqtisodiy taraqqiyot va kambag‘allikni qisqartirish, Moliya va Investitsiyalar va tashqi savdo vazirliklari hamda Markaziy bank vakillaridan iborat maxsus shtab tashkil etiladi.
“Eksportyorlarni qo‘llab-quvvatlash va ularni revolver kredit berish bo‘yicha topshiriqlar berildi. Bundan tashqari, Transport-logistika masalalarini hal etish, jumladan, Uzbekistan Airways faoliyatini takomillashtirish bo‘yicha ko‘rsatmalar berildi.
Shu bilan birga, tadbirkorlar, ayniqsa, kichik va o‘rta biznes vakillariga sharoit yaratib berish, qo‘llab-quvvatlash bo‘yicha Soliq qo‘mitasiga ko‘rsatmalar berildi”, – deydi Bosh vazir o‘rinbosari.
Shuningdek, eksportyorlar transport xarajatlarining 70 foizini byudjetdan qoplab berish yo‘lga qo‘yilishi (hozir 50 foizgacha) taʼkidlandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
