31°
Kechasi 18°
Samarqandda O‘zbekiston va Ozarbayjon o‘rtasida turizm sohasidagi hamkorlikni mustahkamlashga qaratilgan o‘zaro anglashuv memorandumi imzolandi. Bu haqda O‘zbekiston Respublikasi ekologiya, atrof-muhitni muhofaza qilish va iqlim o‘zgarishi vazirligi huzuridagi turizm qo‘mitasi matbuot xizmati ma’lum qildi.
Ushbu tashabbus buyuk ipak yo‘lining asosiy nuqtalarini qamrab oladigan yagona sayyohlik yo‘nalishini yaratish va targ‘ib qilishga qaratilgan. Ikki tomonlama uchrashuvda O‘zbekiston turizm qo‘mitasi raisi Umid Shadiyev va Ozarbayjon davlat turizm agentligi raisining o‘rinbosari Azada Guseynova ikki mamlakat turizm tarmoqlarining hozirgi holatini muhokama qildilar, keyingi hamkorlik istiqbollarini belgilab oldilar va qo‘shma turizm loyihalari rejasini ishlab chiqdilar.
Muzokaralar natijasida O‘zbekistonning “Milliy PR-markazi” Davlat unitar korxonasi va Ozarbayjon turizm byurosi o‘rtasida memorandum imzolandi. Shartnomaning asosiy maqsadi Joint Silk Road Highlights Tour loyihasini amalga oshirish uchun ikki mamlakatning sayyohlik resurslarini birlashtirishdir. Ushbu loyiha Boku, Shemaxa, Sheki, Xiva, Buxoro va Samarqand kabi buyuk ipak yo‘lining tarixiy diqqatga sazovor joylariga e’tibor qaratib, Markaziy Evropa mamlakatlarida sayyohlik yo‘nalishlarini birgalikda targ‘ib qilishni o‘z ichiga oladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
