Bugun, 23-avgust kuni Milliy matbuot markazida “Maktabgacha taʼlim tizimidagi muammolar va ularning yechimlari borasida amalga oshirilayotgan ishlar” mavzusida matbuot anjumani oʻtkazildi.

Unda ishtirok etgan Xabardor.uz muxbirining ma’lum qilishicha, vazirlig tomonidan davlat maktabgacha taʼlim tashkiloti direktori, pedagog xodimlari va tarbiyachi yordamchisi lavozim maoshini ikki bosqichda oshirish boʻyicha taklif ishlab chiqilganю

Unga koʻra, direktor lavozim maoshini 2 bosqichda 60 foizgacha oshirish, oʻqituvchi, psixolog va oliy maʼlumotli tayyorlov guruhi tarbiyachisi lavozim maoshini malaka toifasiga qarab bir bosqichda 10-25 foiz oshirgan holda maktab oʻqituvchisi lavozim maoshiga tenglashtirish (2 341 248 soʻmdan 2 576 000 soʻmga); tarbiyachi-metodist va tarbiyachilar lavozim maoshini malaka toifasiga qarab ikki bosqichda 60-74 foiz (oliy maʼlumotli boʻlganda 1 631 200 soʻmdan 2 576 000 soʻmga); tarbiyachi yordamchisi lavozim maoshini ikki bosqichda 70 foiz oshirish (1 374 624 soʻmdan 2 324 000 soʻmga) koʻzda tutilgan.

Taʼkidlanishicha, dastlabki hisob-kitoblarga koʻra, davlat maktabgacha taʼlim tashkilotlari direktori, pedagog xodimlari va tarbiyachi yordamchisi lavozim maoshlarini qayd etilgan miqdorlarda oshirish uchun davlat byudjetidan oʻrtacha 2,9 trillion soʻm mablagʻ talab etiladi.

• Maktabgacha ta'lim vazirligi
• Maosh
• Matbuot anjumani