Falastin asirlari ishlari bo‘yicha komissiyasi Isroil qamoqxonalarida 270 nafar falastinlik bolaning qo‘lga olingani haqidagi ma’lumotlarni bayon qildi. Ushbu xabar Xalqaro bolalarni himoya qilish kunida e’lon qilingan.

“Falastin hukumati kamida 270 nafar bolani hibsga olgan va olishda davom etmoqda, ularning aksariyati Ofer va Megiddo qamoqxonalarida”, – deyiladi komissiya bayonotida. Biroq bu raqam Isroil armiyasi tomonidan G‘azo sektoridagi lagerlarda ushlab turilgan voyaga yetmaganlarni o‘z ichiga olmaydi.

Tashkilot ma’lumotlariga ko‘ra, qamoqxona ma’murlari tomonidan bolalarga nisbatan ko‘plab zo‘ravonlik holatlari, jumladan kaltaklash va qiynoqlar qayd etilgan. 7-noyabr kuni Knesset 14 yoshgacha bo‘lgan falastinlik bolalarni qamoqqa olishga ruxsat beruvchi qonunni qabul qilgan.

Birlashgan Millatlar Tashkilotining xabar berishicha, 2008-yildan 2023-yil 6-oktyabrigacha 1434 falastinlik bola halok bo‘lgan, yana 32 175 nafari yaralangan, asosan Isroil askarlari qo‘lida, 2000-yildan 2023-yilgacha 13 ming falastinlik bola qamoqda bo‘lgan.

Birlashgan Millatlar Tashkilotining Falastin hududidagi inson huquqlar holati bo‘yicha maxsus ma’ruzachisi Francheska Albanese: “Falastinlik bolalarning butun avlodlari, qamalda bo‘lgan G‘azo sektorida, G‘arbiy Sohil anklavlarida yoki anneksiya qilingan Sharqiy Quddusda bo‘ladimi, ularning hayoti juda og‘ir darajada.”

• Bolalar
• Falastin
• Isroil