26°
Kechasi 15°
Oliy Majlis Qonunchilik palatasi deputatlari tomonidan Surayyo Rahmonova nomzodi Bola huquqlari bo‘yicha vakil (ombudsman) lavozimiga tasdiqlandi va mazkur qaror Oliy Majlisning Senatiga yuborildi. Bu masala bugun, 10-oktyabr kuni bo‘lib o‘tgan navbatdagi yalpi yig‘ilishda ko‘rib chiqildi.
Ma’lumot uchun, Surayyo Rahmonova 1978-yilda Toshkent shahrida tug‘ilgan. U 2000-yilda Toshkent davlat yuridik universitetida bakalavr, 2002-yilda esa magistr darajasini olgan. 2015-yilda dotsent ilmiy unvoni, 2018-yilda yuridik fanlar doktori ilmiy darajasiga ega bo‘lgan.
Surayyo Rahmonova tayinlovga qadar 2018-yilda Bosh prokuraturaning Jamoatchilik bilan aloqalar va huquqiy axborot xizmatida bo‘lim boshlig‘i, 2019-yilda AOKA bo‘lim boshlig‘i va 2022-yildan Senatning jamoatchilik bilan aloqalar bo‘limida faoliyat ko‘rsatgan.
Eslatib o‘tamiz, o‘tgan oyda bola huquqlari bo‘yicha oldingi ombudsman Aliya Yunusova Tuyg‘unovna o‘z faoliyatini to‘xtatgandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
