Donald Tramp Eron rahbariyati muzokaralar o‘tkazishni so‘rab, o‘ziga murojaat qilganini bildirdi. AQSh prezidenti bu haqda kecha, 11-yanvar kuni Air Force One samolyoti bortida jurnalistlarga ma’lum qilgan.

“Eron rahbarlari qo‘ng‘iroq qildi. Ular muzokara olib borishni istaydi. Uchrashuv tashkil etilyapti”, — dedi Qo‘shma Shtatlar rahbari.

Shu bilan birga, Tramp “ehtimol, uchrashuvga qadar biz harakat qilishimizga to‘g‘ri kelishi mumkin”, deya qo‘shimcha qilgan, ammo tafsilotlarni to‘liq bayon qilmagan.

Eron rasmiylari hozircha AQSh prezidentining bayonotlari yuzasidan izoh bergani yo‘q.

HRANA huquqni himoya qiluvchi tashkiloti ma’lumotlariga ko‘ra, Eronda 28-dekabrdan beri davom etayotgan namoyishlar vaqtida 500 nafardan ortiq kishi halok bo‘lgan va 10 600 nafardan ziyod odam ushlangan.

• AQSh
• Eron
• Muzokara
• Tramp