O‘zingizni boshqalar bilan solishtirish odati hayotingizni buzib yuborishi mumkin. Kimdir sizdan ko‘ra yaxshiroq natijalarga erishayotganini ko‘rish unchalik yoqimli jarayon emas.

Biroq, to‘g‘ri yondashuv bilan, hasad sizning haqiqiy qadriyatlaringizni tan olishga imkon beradi. Bu tuyg‘uni ijobiy harakatlarga aylantirishga yordam beradigan ba’zi usullar mavjud.

1. To‘g‘ri yo‘nalish tanlang

Boshqalar bilan taqqoslash sizning haqiqiy ehtiyojlaringizga yo‘l ko‘rsatishi mumkin. Bu o‘zingizga ravo ko‘rmaydigan ishni amalga oshirayotgan odamga hasad qilgan paytlarda sodir bo‘ladi. Fikrlash salbiy tuyg‘uni foydali kuchga aylantirishga yordam beradi. Shuning uchun, sizda yana hasad uyg‘onganda, o‘zingizdan so‘rang:

“Men nega bu odamdan kam muvaffaqiyatga erishdim? Agar menda havas qiladigan narsa bo‘lsa, ichimdagi qanday bo‘shliq to‘ldiriladi? Men haqiqatan ham bu odamda bor narsaga ega bo‘lishni xohlaymanmi? Agar shunday bo‘lsa, men buni qanchalik xohlayman va uni olish uchun harakat qilishga arziydimi?”

Bu savollarga qanchalik aniq javob bersangiz, energiya va his-tuyg‘ularingizni aniq harakatlar va strategiyalarga shunchalik samarali yo‘naltira olasiz.

2. To‘g‘ri ma’noda hasad qilish

O‘zingizni boshqalar bilan solishtirganda paydo bo‘ladigan hasad ajoyib turtki va yo‘l-yo‘riq bo‘lishi mumkin. Ammo u sizni ham g‘azablantirishi aniq.

Psixologlar “yaxshi” hasad biz kimgadir qoyil qolganimizda va bu odamga taqlid qilishga harakat qilganimizda, “yomon” hasad esk kimningdir bizda yo‘q narsasi borligi sababli ochiqchasiga yoqtirmaslikdan paydo bo‘lishini qayd etishadi.

Har qanday hasad og‘riqli ekanligi aniq bo‘lishi kerak. Biroq, uning “yaxshi” versiyasi bizni o‘z ustimizda ishlashga va yaxshiroq bo‘lishga majbur qiladi va “yomon” versiyasi bizni shunchaki yoqimsiz shaxslarga aylantiradi.

Boshqalar erishgan natijaga erisha olmasak, ko‘pincha “yomon” hasadni his qilamiz. Ammo ko‘p hollarda bitta odamning muvaffaqiyati prinsipial jihatdan bunday g‘alaba qozonish mumkinligini isbotlaydi. Fikringizni “yomon” hasaddan “yaxshi” hasadga o‘tkazish uchun quyidagi iboralarni takrorlashga harakat qiling:

“Men ilhomlanaman. Balki men undan nimadir o‘rganarman yoki uni murabbiy sifatida qabul qilaman. Har bir inson o‘z yo‘lida yuradi. Men o‘zim uchun minnatdorman. Agar mening kumirlarim qilayotgan ishlarini to‘xtatsalar, men ularning buyuk ishlariga ergasha olmasdim”.

3. Kengroq fikrlang

Yaqinlaringiz bilan muhim shaxsiy voqealar sodir bo‘lganda, hayot poygasida ortda qolayotganingizni his qilish oson. Ammo 10-20 nafar tanishingizni eslasangiz, ularning ko‘pchiligi siz bilan bir bosqichda va hatto juda baxtli ekanini tushunasiz.

Tadqiqotchilar eksperiment o‘tkazdi, unda odamlardan yugurish qobiliyatini baholashni so‘rashdi. Ma’lum bo‘lishicha, ishtirokchilar o‘zlarini eng yaxshi yuguruvchilar bilan taqqoslashgan, shuning uchun ular o‘zlarining mahoratlarini ajoyib, deb bilishmagan. Tadqiqotchilar, shuningdek, odamlardan o‘zlari bilgan eng yaxshi 10 nafar yuguruvchi ro‘yxatini tuzishni so‘rashdi. Bunday ro‘yxatning yettinchi yoki to‘qqizinchi pozisiyasiga kelib, tajriba ishtirokchilari to‘satdan o‘zlarini ancha yaxshi his qila boshladi. O‘zini kuchliroq odamlar guruhi bilan taqqoslash ishtirokchilar va ular yetarlicha yaxshi, deb hisoblaganlar o‘rtasidagi farqni qisqartirdi hamda o‘ziga ishonchni mustahkamlashga yordam berdi.

4. O‘zingiz bilan raqobatlashing

Siz hozir turgan pog‘onada bo‘lmasligingiz ham mumkin edi. Lekin ular bir paytlar bo‘lgan o‘rinda emas, to‘g‘rimi? To‘xtang, yutuqlaringiz va ular tufayli olgan ko‘nikmalaringizni baholang. Bu o‘z-o‘zidan g‘urur tuyg‘usini uyg‘otadi va “yomon” hasaddan xalos bo‘lasiz.

O‘z-o‘zini taqqoslashni odat qilishning eng oson yo‘li har oy quyidagi savollarni o‘ylab ko‘rishdir:

“So‘nggi bir necha hafta ichida men nimani o‘rgandim? Men qanday qiyinchiliklarga duch keldim? Nimani boshqacha qilish kerak edi, men hozir nimalarni bilaman? Men qanday yutuqlarga erishdim?”

Ha, siz o‘zingizni boshqalar bilan solishtirishdan to‘xtata olmaysiz. Ammo maqoladagi ba’zi maslahatlarni amalda qo‘llash orqali siz ushbu taqqoslashni o‘zingizning foydangizga qanday ishlatishni o‘rganishingiz mumkin. Esda tutingki, siz aysbergning faqat uchini ko‘ryapsiz, ayniqsa ijtimoiy tarmoqlarda. Hayoti mukammal ko‘rinadigan odam siz bardosh bera olmayotgan qiyinchiliklarni yengib o‘tgan bo‘lishi mumkin.

Yana bir maslahat: o‘zingizni nafaqat ko‘proq yutuqlarga erishganlar bilan, balki siz omadsiz sifatida baholaydigan insonlar bilan ham solishtiring. Shunda eng oxirida emasligingizga ishonch hosil qilasiz.

• Mashhurlik
• Psixolog
• hasad
• mashhurlar
• raqobat