Mahalliy nashrlarning xabar berishicha, Rio-de-Janeyro shahri yo‘llari barrikadalar va o‘g‘irlangan avtobuslar bilan to‘silgan. Xavfsizlik kuchlari jinoyatchilarga qarshi 2,5 ming nafar askarni safarbar etgan. Giyohvand moddalar savdosining 70 foizini nazorat qiluvchi jinoiy to‘dalar keng ko‘lamli politsiya operatsiyasiga javoban lokdaun e’lon qilishgan.

Shaharning shimoliy qismida tartibsizlik hukm surmoqda: otishmalar, yonayotgan mashinalar, aholi uydan chiqishga qo‘rqmoqda. Kartellar hududlarni to‘sish uchun FPV-dronlaridan foydalanmoqda.

Ma’lumotlarga ko‘ra, Rio-de-Janeyroda o‘tkazilgan “To‘xtatish” operatsiyasi davomida narkomafiyaning 60 nafar a’zosi yo‘q qilingan. To‘rt nafar politsiyachi halok bo‘lgan, 15 nafari yaralangan, to‘rt nafar fuqaro jarohat olgan. 80 dan ortiq gumonlanuvchi qo‘lga olingan, 93 ta qurol musodara qilingan.

Operatsiyada dronlar, vertolyotlar va zirhli texnikalar ham jalb qilingan. Shuningdek, gubernator Klaudio Kastro operatsiyaga mamlakat Qurolli kuchlarini jalb etishga chaqirmoqda.

• Braziliya
• Otishma
• Qurolli Kuchlar