Bugun soat 16:00 da Jinoyat ishlari bo‘yicha Toshkent shahar Uchtepa tumani sudida Mubashshir Ahmad ishi bo‘yicha navbatdagi sud majlisi bo‘ladi.

Oldinroq, Mubashshir Ahmad (Alisher Tursunov)ga oid jinoyat ishini ko‘rib chiqish bo‘yicha 2-oktyabr kuni o‘tkazilishi belgilangan sud majlisi 8-oktyabrga qoldirilgani haqida xabar berilgan edi.

Eslatib o‘tamiz, Alisher Tursunov ishi bo‘yicha to‘rtinchi sud majlisi (hozircha so‘ngisi)da Uchtepa tumani prokurori o‘rinbosari Erkin Narzullayev suddan sudlanuvchini O‘zbekiston Jinoyat kodeksining 156-moddasi, 244-1-modda va 244-3-moddalarida nazarda tutilgan harakatlarni sodir qilishda aybdor, deb topishni so‘ragan. Xususan, prokuror Mubashshir Ahmadga “o‘zaro sanksiyalarni qo‘shish yo‘li bilan uzil-kesil 7 yil muddatga ozodlikdan mahrum qilish” va “BHMning 150 barobari miqdorida jarima” qo‘llashni so‘ragan.

Advokatlar guruhi esa Alisher Tursunovdan 2 ta modda: “Jamoat xavfsizligi va jamoat tartibiga tahdid soladigan materiallarni tarqatish” hamda “Milliy, irqiy, etnik yoki diniy adovat qo‘zg‘atish” ayblovlarini olib tashlashni so‘ragan edi.

• Sud
• Uchtepa