Buyuk Britaniya Bosh vaziri Rishi Sunak Isroilga bordi. Bu haqda “The Telegraph” xabar berdi.
Qayd etilishicha, u tashrifi davomida Isroil Bosh vaziri Binyamin Netanyaxu va Prezident Isaak Gersog bilan uchrashadi. Shuningdek, u mamlakatning turli shaharlariga safar qiladi.
Sunak XAMASning Isroilga uyushtirgan hujumi oqibatida qurbon bo‘lganlar uchun hamdardlik bildirgan va mintaqada mojaroning yanada avj olishidan ogohlantirgan.
“Asosiysi, men Isroil xalqi bilan birdam ekanligimni bildirish uchun keldim, siz so‘zlab bo‘lmaydigan, dahshatli terrorchilik aktini boshdan kechirdingiz va men Buyuk Britaniya siz bilan ekanligini bilishingizni istayman”, – deydi Rishi Sunak.
Shuningdek, Sunak G‘azo sektoridagi shifoxonaga uyushtirilgan hujumni mintaqa va butun dunyo yetakchilari mojaroning yanada fojiali tus olmasligi uchun birlashishiga“signal” deb atagan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!