Choy yoki qahvaga bir choy qoshiq shakar qo‘shish sog‘liq uchun salbiy taʼsir ko‘rsatmaydi. Gollandiyaning Leyden universiteti olimlari uch ming kishi ishtirokida o‘tkazilgan tadqiqotdan so‘ng shunday xulosaga kelishdi. Ularning ish natijalari “PLOC One” jurnalida chop etildi.

Olimlar 32 yil davomida turli miqdorda shakarli choy ichgan insonlar bilan shakarsiz choy yoki qahva ichgan odamlarning sog‘lig‘ini kuzatib borishdi.

Maʼlum bo‘lishicha, shakarni qabul qilgan insonlarda yurak-qon tomir kasalliklariga chalinganlar soni shakarsiz choy va qahva ichgan guruhdan kasallanganlar sonidan atigi 2,9 foizga ko‘p. Bu statistik jihatdan muhim farq emas. Xuddi shunday ko‘rsatkich boshqa kasallik turlarida ham namoyon bo‘lgan.

Olimlarning taʼkidlanishicha, tadqiqot ishtirokchilari choy va qahvaga o‘rtacha bir qoshiq yoki bir kub shakar (taxminan 5 gramm) qo‘shgan, bu xavfsiz doza hisoblanadi.

• Choy
• Qahva
• Shakar