Kuchli jismoniy mehnat demansning rivojlanishiga olib kelishi mumkin. Bu haqda norvegiyalik olimlar yetti ming kishi ishtirok etgan tadqiqot natijalariga asoslanib aytib o‘tishdi.

Ish davomida tadqiqotchilar ishtirokchilarning salomatligi va turmush tarziga oid ma’lumotlarni to‘plashdi va tahlil qilishdi. Ma’lum bo‘lishicha, ularning 902 nafariga demensiya tashxisi qo‘yilgan. Bundan tashqari, 2,5 ming kishi yengil kognitiv buzilishlarga ega edi. Shu bilan birga, muammolari aniqlangan odamlarning aksariyati butun hayoti davomida jismoniy og‘ir ishlarga jalb qilingan.

Yana bir qator hisob-kitoblarni amalga oshirgandan so‘ng, olimlar og‘ir ish bilan shug‘ullanadigan odamlarda demensiyani rivojlanish ehtimoli boshqa guruhlarga qaraganda deyarli 15,5 foizga yuqori degan xulosaga kelishdi.

Tadqiqot mualliflarining ta’kidlashicha, kassirlar, sotuvchilar, kichik tibbiyot xodimlari, fermerlar va chorvachilik bilan shug‘ullanuvchilarda doimiy stress va charchash xavfi ortadi.

Olimlarning qo‘shimcha qilishicha, dam olishning yetishmasligi kognitiv qobiliyatlarga ta’sir qiladi. Bu omillar tananing charchashiga olib keladi va miya faoliyatiga salbiy ta’sir qiladi.

• Lifestyle
• qiziqarli