“Rossiya segodnya” media guruhi bosh direktori Dmitriy Kiselev “Rossiya 1” telekanalidagi “Vesti nedeli” dasturida Vladimir Putinning amerikalik jurnalist Taker Karlson bilan suhbatidan so‘ng, mamlakatlar o‘rtasidagi muloqotni davom ettirish uchun AQSh prezidenti Jo Baydenga intervyu olish uchun so‘rov yuborganini aytdi. Bu haqda “RIA Novosti” ma’lum qildi.

Qayd etilishicha, so‘rov Vashingtondagi Oq uyga yuborilgan.

“Biz mamlakatlarimizda bir-birini tinglash va eshitish imkoniyati yo‘q, deb hisoblaymiz va Rossiya Federatsiyasi Prezidenti Vladimir Putin amerikalik tomoshabinga qaratilgan intervyuga rozilik berib, munosib o‘rnak ko‘rsatganiga ishonamiz… Men, Dmitriy Kiselev, “Rossiya 1” telekanalining “Rossiya Segodnya” media-guruh bosh direktori va mamlakatning eng yuqori reytingli axborot-tahliliy yakshanba dasturi “Hafta yangiliklari (Vesti nedeli)” boshlovchisi intervyu o‘tkazishni rejalashtirmoqdaman”, – deyilgan maktubda.

Shuningdek, ıntervyu xorijiy tillarga tarjima qilinishi va “RIA Novosti” Telegram kanalida, ria.ru veb-saytida va Rossiya va butun dunyo bo‘ylab media guruhining ko‘plab media platformalari va ijtimoiy tarmoqlarida tarqatilishi rejalashtirilgan.

• Bayden
• Dmitriy Kiselev
• Intervyu