“Dok-1 Maks” dan jabrlanuvchi 500 mlrd so‘m tovon puli so‘radi. Bu haqda  UzA xabar berdi.

Qayd etilishicha, sudning 26-yanvardagi majlisida jabrlanuvchilar onlayn ko‘rsatma bergan. Sog‘ligi va moddiy tomondan qiynalgani sababli sudda qatnasha olmagani uchun ba’zi jabrlanuvchilarning ko‘rsatmalarini sud raisi o‘qib eshittirgan.

Jumladan, “Dok-1 Maks” siropini ichib vafot etgan Eliboyev Sherzodbekning otasi Otaboyev Samit sudlanuvchilarga umrbod ozodlikni cheklash jazosini so‘rab, 50 mlrd so‘m moddiy zarar undirib berilishini so‘ragan.

Shuningdek, namanganlik jabrlanuvchi “Dok-1 Maks” siropini ichib vafot etgan Nosirov Mansurning otasi Nosirov Nodirbek farzandi avval shamollagani va siropni iste’mol qilganidan keyin ahvoli battar og‘irlashganini aytgan. Marhumning otasi sudlanuvchilarga umrbod qamoq jazosini so‘rab, 500 mlrd so‘m tovon puli so‘ragan.

Keyingi sud majlisi 29-yanvar kuni davom etadi.

• Dok-1 Maks
• Sud