Dunyodagi eng uzun yo‘l. Okean va turli tog‘ tizmalari kabi to‘siqlarni kesib o‘tmasdan 22 ming kilometrdan ortiq yo‘lni bosib o‘tish mumkinligini bilasizmi? Bu yo‘lda hatto samolyot yoki qayiqqa ehtiyoj bo‘lmaydi.

Onlayn xaritada ko‘rinib turgan yo‘l okeanni kesib o‘tmasdan turib bemalol dunyoni sayohat qilishingizga imkon beradi. Uzunligi 22 387 km boʻlib, Keyptaundan to Rossiyaning Magadan shahrigacha davom etadi.

Qiziqarlisi bu yo‘lda 16 davlatga duch kelishingiz mumkin: Janubiy Afrika, Botsvana, Zimbabve, Zambiya, Tanzaniya, Uganda, Janubiy Sudan, Sudan, Gruziya, Misr, Iordaniya, Suriya, Turkiya, Ruminiya, Belarus va Rossiya.

Yo‘l jami 117 693 metr balandlikkacha ko‘tariladi va 117 686 metr balandlikdan tushadi, bu 13 ta Everest tog‘iga teng. Hisob-kitoblarga ko‘ra, butun masofani bosib o‘tish uchun 4492 soat (187 kun) kerak bo‘ladi, ammo unda 24 soat, tanaffuslarsiz yurish hisobga olingan! Aniqroq qilib aytganda, agar siz kuniga sakkiz soat piyoda yurib, dam olish kunlarisiz sayohat qilsangiz, 562 kunda ushbu yo‘lni bosib o‘tasiz. Sayohat davomida olti vaqt zonasi va barcha fasllarni bosib o‘tasiz.

Lekin bu yo‘lda sayohat qilishning xavfli jihatlari ham bor. Sayyohlar doimiy o‘zgaruvchan haroratdan aziyat chekishlari mumkin.

• qiziqarli