Dunyoning eng boy odami, “Tesla” rahbari Ilon Maskning aytishicha, uning shaxsiy uyi yo‘q va ko‘pincha do‘stlarining uyida qoladi. Chunki xarajatlarining asosiy qismi shaxsiy samolyotlarni band qilishga sarflanadi.

“Hozirda o‘zimning doimiy turar-joyim yo‘q, tom ma’noda do‘stlarim bilan qolaman. Agar men “Vay Area”ga (San-Fransisko) borsam, do‘stlarimning uylaridagi bo‘sh yotoqxonalari orasida kezib yuraman”, – dedi Mask TED’ga bergan intervyusida.

“Market watch” ma’lumotlariga ko‘ra, “Forbes” Maskning boyligini 269,5 milliard dollarga baholagan, u yetti farzandning otasi. Shu bilan birga, milliarder shaxsiy ehtiyojlari uchun katta mablag‘ sarflamaydi, xarajatlarining eng katta qismi shaxsiy samolyotlaridagi parvoz uchun ketadi.

“Agar men samolyotdan foydalanmasam, ishlashga vaqtim kam bo‘ladi”, – deya tushuntirdi u.

Avvalroq milliarder barcha mulkini sotish niyatida ekanini aytgan. O‘tgan yil iyun oyida esa Ostindagi boshqa kompaniyasi – “SpaceX” shtab-kvartirasiga juda yaqin joylashgan 50 000 dollarlik ijaraga olingan uyda yashashini ma’lum qilgan edi.

Eslatib o‘tish mumkin, Ilon Mask “Forbes” talqini bo‘yicha dunyodagi eng boy odamga aylandi.

• Ilon_Mask