Özbekistonda 2027-yildan boşlab 6 yoşli bolalarni bir yillik majburiy maktabga tayyorlov bilan töliq qamrab oliş rejalaştirilgan. Bu Prezident Şavkat Mirziyoyev tomonidan 2026-yil 10-noyabrda imzolangan farmon bilan tasdiqlangan milliy dasturda belgilangan.

Farmon bilan 7 ta milliy dastur hamda ularni 2027–2031-yillarda amalga oşiriş böyiça çora-tadbirlar rejasi tasdiqlangan. Ulardan biri ta’lim va malakani taraqqiyotning asosiy kapitaliga aylantirişga qaratilgan.

Rejaga köra, 2026-yil dekabrgaça hududlarda maktabga tayyorlovga bölgan ehtiyoj örganilib, zarur pedagoglar va jihozlar soni aniqlanadi. Bepul tayyorlov guruhlari taşkil etiladigan xonalar 2027–2028-yillarda mebel va boşqa zarur jihozlar bilan ta’minlanadi.

Şuningdek, 2026-yildan boşlab har yili kamida 100 ta boğça quriş va rekonstruksiya qiliş közda tutilgan. Osiyo taraqqiyot banki kömagida Samarqand, Jizzax, Surxondaryo, Qaşqadaryo va Toşkent viloyatlarida davlat-xususiy şeriklik asosida 500 ta maktabgaça ta’lim taşkiloti taşkil etiladi.

Bundan taşqari, xususiy boğçalar faoliyatini qöllab-quvvatlaş, ularga yer ajratiş va imtiyozli kreditlar beriş mexanizmlari işlab çiqiladi. Nodavlat boğçalar tarbiyaçilari uçun zamonaviy pedagogik metodikalar, videodarslar va öquv materiallarini jamlagan «Tarbiyaçi» ta’lim platformasi ham yaratiladi.

Şuningdek, maktabgaça ta’lim taşkilotlariga budjet subsidiyalarini ajratişda ta’lim sifatini hisobga oladigan yangi mexanizmlar joriy etilişi belgilangan.