Kaliforniya universitetining San-Diyego tibbiyot maktabi mutaxassislari o‘z joniga qasd qilishni o‘ylab yurgan odamlarni qon tahlillari orqali aniqlashni o‘rgandi. Bu haqida Bi-bi-si xabar berdi.
Olimlar depressiv ruhiy kasalliklar metabolizmga infeksiyalar va onkologiya kabi ta’sir qilishini aniqladilar. Siqilish va depressiya tufayli inson qonining kimyoviy tarkibi o‘zgaradi. Hamda aynan shu holatda vujudga keladigan o‘ziga xos birikmalar, ya’ni biomarkerlar qonda paydo bo‘ladi.

Olimlar depressiya hamda o‘z joniga qasd qilishga moyil bo‘lgan odamlar va sog‘lom ruhdagi insonlarning qiyosiy tahlillarini o‘tkazib suitsid tashxisi qo‘yish mumkin bo‘lgan kamida beshta markerni aniqladilar.

Tadqiqotchilarning fikriga ko‘ra, bu kashfiyot suitsidlarning oldini olishga va ruhiy muammolarni bartaraf etishga yordam beradi.

• Kashfiyot
• salomatlik