Hindistonda erkak har kuni nonushta, tushlik va kechki ovqat uchun yarim tayyor lag‘mon tayyorlab bergan xotini bilan ajrashdi.

Ma’lum bo‘lishicha, ayol eriga butun turmushi davomida “Maggi” brendidagi lag‘monlarni damlab beravergan. Bunda u ushbu yarim tayyor mahsulotlarni sotib olib, har ovqat mahali bir xil ishni qaytargan.

Xabarga ko‘ra, er ajrashish uchun sudga ariza bergan. Yakunda er-xotin o‘zaro rozilik bilan nikoh shartnomasini bekor qilgan.

Erkakning aytishicha, xotini ushbu mahsulotni damlashdan boshqa narsani bilmaydi.

Ma’lumot uchun, bu g‘alati ajrashish arizasi birinchisi emas. Jumladan, turmush o‘rtog‘i bilan gaplashmaslik, tovoqning noto‘g‘ri tomoniga tuz qo‘yish, noto‘g‘ri rangdagi to‘y libosini tiktirish, turmush o‘rtog‘ini olib chiqmaslik kabilar hozirda Hindistonda er-xotinlarning ajralishlariga sabab bo‘lmoqda.

• qiziqarli