Parij Olimpiadasi kundan kunga yaqinlashib bormoqda. Shu munosabat bilan Sportni rivojlantirish boshqarmasi Fransiya haqidagi qiziqarli faktlardan birini e’lon qildi. Bundan roppa-rosa 124 yil avval Parij Olimpiadasida ishtirok etgan birinchi ayol sportchi kim ekanligi aniqlandi.

1900-yilda Parij Olimpiadasida ilk martoba ayollarga qatnashishga ruxsat berildi. 5 oy davom etgan musobaqada shveysariyalik Elen de Purtales yelkanli suzish bo‘yicha jamoaviy musobaqada ishtirok etdi va turmush o‘rtog‘i bilan birga chempion bo‘ldi.

O‘sha paytda ayollarga faqat tennis va golfdan mukofot (2,2%) berilgan.

Bu yil, ya’ni 2024-yilgi Parij Olimpiadasida erkaklar va ayollar nisbati birinchi marta 50/50 ni tashkil qilmoqda.

Olimpiada reyestridagi erkaklar va ayollar ulushini quyidagi yillarda solishtirdik:
1896-yil. Erkaklar - 100%.
Parij 1900-yil. Erkaklar - 97,8%, ayollar - 2,2%.
Parij 2024-yil. Erkaklar 50%, ayollar 50%.

Eslatib o‘tamiz, bu yilgi Olimpiada o‘yinlarida Qozog‘istondan ishtirok etayotgan sportchilar orasida erkaklar ulushi 67,5 foizni, ayollar ulushi esa 32,5 foizni tashkil etadi.

• Foydali
• qiziqarli