Qozog‘istonda umr ko‘rish davomiyligi 75 yoshdan oshdi. Bu haqda Sog‘liqni saqlash vazirligi rahbari Akmaral Alnazarova prezident Qosim-Jo‘mart To‘qayev bilan uchrashuvda ma’lum qilgan.

Yil boshidan buyon 21 ta infeksiya, jumladan, koronavirus bilan kasallanish darajasi kamaygan.

Alnazarovaning so‘zlariga ko‘ra, sog‘liqni saqlash infratuzilmasini rivojlantirishning 2025-2030-yillarga mo‘ljallangan strategik rejasi doirasida yangi tibbiyot muassasalari quriladi.

O‘z navbatida, To‘qayev onalar va chaqaloqlar o‘limi darajasini pasaytirish hamda bemorga yo‘naltirilgan tibbiy yordam ko‘rsatishga alohida e’tibor qaratgan holda sog‘liqni saqlash tizimini sifat jihatdan qayta qurish bo‘yicha vazifalarni belgilab berdi. Shuningdek, u ajratilayotgan mablag‘lar, jumladan, dori vositalari bilan ta’minlashning shaffofligi va samaradorligini ta’minlash zarurligini ta’kidladi.

• statistika