Henley & Partners dunyo mamlakatlari pasportining yillik reytingini e’lon qildi.

Mazkur reyting pasport orqali nechta mamlakatga avvaldan viza rasmiylashtirmasdan borish mumkinligiga ko‘ra hisoblab chiqiladi.

Unga ko‘ra, O‘zbekiston eng nufuzli pasportlar reytingida 79-o‘rinni qayd etdi. Singapur esa reytingda peshqadamlik qilmoqda. Singapurliklar 195 ta mamlakatga vizasiz borishlari mumkin.

Shuningdek, reytingning yuqori o‘rinlarini Fransiya, Germaniya, Yaponiya, Italiya, Ispaniya, Shvetsiya, Finlyandiya, Lyuksemburg kabi davlatlarning pasporti egallagan bo‘lsa, Afg‘oniston pasporti eng quyi o‘rinda qayd etilgan. Afg‘onistonliklar 28 ta davlatga vizasiz kirish imkoniyatiga ega.

O‘zbekistonliklar 64 ta davlatga avvaldan viza olmay kirib boraverishi mumkin. 2023-yilda esa 59 ta davlatga vizasiz boraverishlari mumkin edi.

Dunyo mamlakatlari reytingida Markaziy Osiyo respublikalaridan Qozog‘iston – 67, Qirg‘iziston – 78, Tojikiston – 82 va Turkmaniston – 52-o‘rinni egallagan.

• Afg‘oniston
• Pasport
• Singapur