Xorijliklarning Rossiyaga kirishda biometrik ma’lumotlardan o‘tishi bo‘yicha eksperimentning birinchi bosqichi boshlandi.

Birinchi bosqichda, chet el fuqarolari Sheremetevo, Domodedovo, Vnukovo, Jukovskiy aeroportlarida, shuningdek, Orenburg viloyatidagi “Mashtakovo” nazorat-o‘tkazish punktida ularning yuz tasviri va barmoq izlari skanerdan o‘tkaziladi.

Ikkinchi bosqichda, chet elliklar Rossiya Federatsiyasiga vizasiz kirish uchun yuklab olishlari kerak bo‘lgan maxsus dastur bo‘ladi. Ular shaxsiy ma’lumotlar bilan ariza to‘ldirgan holda, tashrif maqsadi haqida xabar beradi va biometrik ma’lumotlarni onlayn tarzda topshiradilar.

“Tajriba 2024-yil 1-dekabrdan 2026-yil 30-iyungacha davom etadi”, – deb xabar qildi Rossiya Federatsiyasi raqamli rivojlanish vazirligi.

Bu tartib Belarus fuqarolariga, 6 yoshgacha bo‘lgan bolalarga va diplomatlarga amal qilmaydi. Shuningdek, vizali xorijliklar uchun ham qoidalar o‘zgarishsiz qoladi.

• Rossiya
• Viza