Ispaniya kubogi yarimfinal javob uchrashuvida “Barselona” safarda Madridning “Atletiko”siga qarshi maydonga tushdi va kichik 0:1 hisobidagi g‘alabani qo‘lga kiritdi.
Uchrashuvdagi yagona bo‘lgan golni 27-daqiqa Ferran Torres Lamin Yamalning ajoyib uzatmasidan so‘ng darvoza to‘riga joylab qo‘ydi. Jamoalar o‘rtasidagi ilk bahs 4:4 hisobida durang bilan yakunlangan edi.
Shunday qilib, Kataloniya jamoasi Ispaniya kubogi finaliga yo‘l oldi. “Barselona” hal qiluvchi uchrashuvda “Real Madrid” bilan to‘qnash keladi. Anchelotti shogirdlari finalga “Real Sosedad” ustidan qozonilgan g‘alabaga bilan yetib kelgan.
Final uchrashuvi 26-aprel kuni Sevilyadagi “La Kartuxa” stadionida bo‘lib o‘tadi.
Ma’lumot uchun, “Real” va “Barsa” bu mavsum hisobidan ikkinchi marta titul uchun bahs olib boradi. Dastlabki to‘qnashuvda Ispaniya Superkubogi finalida “Barselona”ning qo‘li ustun kelgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!