Turkiya prezidenti Rajab Toyyib Erdo‘g‘an “cho‘ntaklari kuchli” bo‘lgan mamlakatlarni Ar-Riyodda bo‘lib o‘tgan Islom hamkorlik tashkiloti (IHT) sammiti doirasida tashkil etilgan G‘azoni tiklash jamg‘armasiga yordam berishga chaqirdi.

“Biz G‘azoni qayta tiklash uchun bor kuchimizni sarflaymiz. Ha, men ham “cho‘ntaklari kuchli” bo‘lganlarga murojaat qilaman, ular ham qo‘llarini cho‘ntagiga solib, G‘azoga yordam berishlari kerak.

Biz tashkil etilgan fondga kerakli yordamni ko‘rsatdik, Riyoddagi konferensiyada buni birgalikda aytdik, u yerga ham kerakli yordamni ko‘rsatishimiz kerak. Biz G‘azoni kimsasiz qilish uchun doimiy ishg‘ol qilish, yerlarni egallab olish va mazlumlarni ommaviy qirg‘in qilish orqali kengayib borayotgan Isroil davlatining siyosatiga toqat qila olmaymiz va toqat qilmaymiz” – degan Erdo‘g‘an Jazoirdagi biznes-forumda so‘zga chiqib.

• Erdogʻan
• Falastin
• Turkiya