Turkiya prezidenti Rajab Toyyib Erdo‘g‘an Rossiya prezidenti Vladimir Putin bilan Sochida bo‘lib o‘tgan uchrashuvda respublikada birinchi bo‘lgan Akkuyu atom elektr stansiyasini qurish loyihasini muhokama qiladi.

Agar Akkuyu AES qurib bitirilsa, u Turkiyaning elektr energiyasiga bo‘lgan ehtiyojining 20 foizini qoplashi mumkin.

Turkiya prezidentining ta’kidlashicha, ushbu loyiha kechiktirilmasligi lozim, va hech narsa unga monelik qilmaydi.

Turkiya hukumati reaktor 2023-yilda ishga tushirilishini kutmoqda.

Avvalroq Akkuyu Nuklear bosh direktori Anastasiya Zoteyeva elektr stansiyasi qurilishi 2023-yilgacha yakunlanishini aytgan edi.

Ma’lumot uchun, “Akkuyu” Turkiyada quriladigan birinchi atom elektr stansiyasidir.

Loyiha 2010-yilda Rossiya va Turkiya oʻrtasida imzolangan hukumatlararo kelishuvga muvofiq amalga oshirilmoqda. Stansiya toʻliq Rossiya tomonidan moliyalashtiriladi.

Rossiyaning “Rosatom” kompaniyasi “Akkuyu yadroviy” OAJning asosiy aksiyadori boʻlib, elektr stansiyasini rivojlantirish, qurish, texnik xizmat koʻrsatish, foydalanish va foydalanishdan chiqarish bilan shugʻullanadi.

AES ishga tushirilgach, har yili 35 milliard kVt/soat ishlab chiqariladi.

• AES
• Rossiya
• Turkiya
• Yevropa Ittifoqi