Norvegiya terma jamoasi va Angliyaning "Manchester Siti" klubi hujumchisi Erling Xolland PFA (Professional Footballers' Association) tomonidan Angliya Premyer ligasi 2022-2023-yilgi mavsumining eng yaxshi futbolchisi deb topildi. Bu haqda "Goal" nashri yozmoqda.

Qayd etish kerakki, Xolland yilning eng yaxshi futbolchisi bo'lish uchun jamoadoshi Kevin De Bryune, Xarri Keyn, Bukayo Saka kabi yulduzlarni ortda qoldirdi.

"Arsenal"ning iqtidori Bukayo Saka esa yilning eng yashi yosh futbolchisi deb topildi. Angliyalik vinger "to'pchilar"ning yetakchisi bo'ldi. Biroq u va uning kulibiga chempion bo'lish uchun tajriba yetishmadi.

Norvegiyalik futbolchi 2022-yilning yozida "Manchester Siti"ga ko'chib o'tgan edi. Uning jamoaga adabtatsiyasi uncha ko'p vaqt talab etmadi. 23 yoshli hujumchi APLning 2022-2023-yilgi mavsumida 36 ta gol urdi.

Ayrim tahlilchilar Xollandning pas o'ynashda no'noqligini tanqid qilishadi. "Shaharliklar" ustozi Xosep Gvardiola esa to'pga egalik qilishni yaxshi ko'radi. Biroq Erling qanchalik to'pga kam tegsa ham gol urishdan to'xtamayapti. O'tgan mavsumda umumiy hisobda 52 ta gol urgan hujumchidan joriy mavsum ham o'nlab gollarni kutish mumkin.

• APL
• Angliya
• Erling Holand
• Futbol
• Norvegiya