Muhammad Pakpur AQSh harbiy kemalari Yaqin Sharq mintaqasi tomon yo‘l olayotgan bir paytda Eron har qanday tahdidga qarshi turishini bildirdi, – deya yozmoqda Associated Press.

Payshanba kuni Donald Tramp AQSh “ehtiyot chorasi sifatida” harbiy kemalarini Eron tomon yo‘naltirayotganini aytgandi.

“Bu yo‘nalishda ulkan flot harakatlanmoqda. Ehtimol, biz uni ishlatishga majbur bo‘lmasmiz”, — degan edi Tramp.

Reuters’ning yozishicha, yuqori lavozimli eronlik mansabdor Tehron har qanday hujumni “keng ko‘lamli urush” sifatida baholashini ma’lum qilgan.

“Bu harbiy qudratni oshirish, umid qilamizki, u haqiqiy to‘qnashuvga qaratilmagan. Biroq bizning harbiylar eng yomon ssenariyga ham tayyor. Shu sababli Eronda hamma yuqori shay holatda”, — deya eronlik rasmiyning so‘zlaridan iqtibos keltiradi agentlik.

• AQSh
• Eron
• Ogohlantirish