Afg‘onistonda kuchli qor bo‘ronlari oqibatida kamida 61 kishi halok bo‘ldi, 110 kishi jarohat oldi. Bu haqda Afg‘oniston Tabiiy ofatlar oqibatlarini bartaraf etish milliy boshqarmasi xabar berdi.

Xabarga ko‘ra, so‘nggi 3 kun ichida mamlakatning turli viloyatlarida kuchli yomg‘ir va qor yog‘ishi oqibatida 61 kishi vafot etgan, yana 110 kishi turli darajada tan jarohati olgan.

ANDMA ma’lumotlariga ko‘ra, qurbonlar va jabrlanganlar haqidagi xabarlar Qobul, Parvon, Panjsher, Bomiyon, Daykundi, Maydan-Vardak, G‘azni, Hirot, G‘or, Badg‘is, Faryob, Sari-Pul, Balx, Samangan va Nuriston viloyatlaridan kelib tushgan.

Shuningdek, tabiiy ofat oqibatida 458 ta uy to‘liq yoki qisman vayron bo‘lgan, buning oqibatida 360 ta oila zarar ko‘rgan. Noqulay ob-havo sharoiti sabab 620 bosh chorva mollari ham nobud bo‘lgan.

Mamlakatda 20 dan 23-yanvargacha davom etgan qor bo‘ronlari, ayniqsa infratuzilmasi zaif, tabiiy ofatlarga chidamsiz tog‘li va qishloq hududlarida katta zarar yetkazgan.

Afg‘oniston meteorologlarining prognozlariga ko‘ra, mamlakatda qor yog‘ni keyingi haftada ham davom etadi.

• Afg‘oniston
• Ob-havo
• Qor
• Tabiiy ofat
• yomg‘ir