BMTning xalqaro komissiyasi Isroilni falastinliklarga nisbatan genotsid sodir etishda ayblovchi hisobotni e’lon qildi. Hujjatda Isroil harbiylari G‘azo sektorida bolalarni qasddan nishonga olayotgani qayd etilgan.

Tergov ma’lumotlariga ko‘ra, ushbu harakatlar ommaviy va tizimli tus olgan bo‘lib, voyaga yetmaganlar orasida qurbonlar soni misli ko‘rilmagan darajaga yetgan.

Hisobotda 2023-yil oktabridan 2025-yil oktabrigacha bo‘lgan davrda G‘azoda 20 mingdan ortiq bola halok bo‘lgani ta’kidlangan. BMT tergovchilari bolalarning nishonga olinishi xalqaro huquq nuqtai nazaridan genotsid alomatlaridan biri ekanini bildirgan.

O‘z navbatida, Isroil tomoni komissiya xulosalarini rad etib, armiya tinch aholi talafotini kamaytirish uchun zarur choralar ko‘rayotganini ma’lum qilgan.