O‘rnak bo‘ling!

O‘zimiz xunuk, qo‘pol so‘zlarni ishlatib, farzandimizga bunday yomon gaplarni gapirmasligini taqiqlab, natijaga erisha olmaymiz.O‘zimiz kechgacha telefon va televizordan bo‘shamay, unga dars qilib, kitob o‘qishi kerakligini uqtirib bo‘lmaydi. O‘zgarishni o‘zimizdan boshlaymiz.

Aybingizni tan oling!

Biror ishda xato qilsak, boshqa narsalarni ro‘kach qilmay, aybimizni tan olishimiz kerak. Shunda bola xato qilishdan qo‘rqib yashamay, xatoni takrorlamaslikni o‘rgansin.

Bolani erkalatishdan qo‘rqmang!

Yetti yoshgacha erka bo‘lgan bola hayotda katta yutuqlarga erishadi. (tarbiyasizlik boshqa narsa). Erkaligini yangi o‘yinchoqlar, ko‘ngli tusagan narsa bilan emas, mehrimiz bilan qoplashimiz kerak.

Kechirim so‘rash...

Ba’zan bolaga nisbatan nohaq bo‘lamiz. Buni u ham biladi. Shunda boladan kechirim so‘rashdan qo‘rqmaslik kerak. U ham mehrliroq bo‘lishni o‘rganadi. Kechirim so‘rash katta yutqiziq emasligini ko‘radi.

Bolani o‘ping!

Farzandimizni ko‘proq quchoqlab, o‘pib, mehrimizni bildirishimiz kerak. Bu unga ruhan juda muhtoj.

Sabrli bo‘lish...

Biz ko‘proq bolani injiqligini ko‘tarishga, savollariga javob berishga, bolaga xos qiliqlariga sabrimiz yetmay, o‘zimizdan nari qilishga harakat qilamiz.Aslida biz qilayotgan keraksiz yumushlarimiz ko‘p. Ulardan vaqtni ajratib, bola uchun sarflaganimiz foydaliroq. Sabr bilan yondashib u bilan birga bo‘lsak,bolajonlar bizni faqat suyuntirayotganini ko‘ramiz.

• Tarbiya