Bir milliondan ortiq odam Filippindagi “Karding” (xalqaro nomi - "noru") to‘fonidan zarar ko‘rdi, deyiladi xabarda.

“Karding” tayfuni 25-26-sentyabr kunlari Filippinga zarar yetkazdi. Ilgari u 12 kishining hayotiga zomin bo‘lganligi, yana 52 kishi jarohat olgani haqida xabar berilgan edi. Shuningdek, tayfun 911,4 ming kishiga ta’sir qilgani haqida xabar berilgan, ular orasida 47,8 ming kishi evakuatsiya markazlariga joylashtirilgan, qariyb 60 ming bino va inshootlarga zarar yetkazilgan, ulardan yetti mingga yaqini butunlay vayron qilingan.

Yangi hisobotga ko‘ra, hozirda besh kishi bedarak yo‘qolgan va qariyb 46,5 ming kishi o‘z uylarini tark etishga majbur bo‘lgan, ularning bir qismi 26 ta evakuatsiya markaziga joylashtirilgan.

Ma’lumotlarga ko‘ra, 734 ta aholi punktida va o‘quv muassasalarida darslar to‘xtatilgan.

Tayfun natijasida 45 ta yo‘l, 18 ta ko‘prik va 67 ta dengiz porti shikastlangan. 117 shaharda elektr ta’minotidagi uzilishlar qayd etilgan.

43 ta infratuzilma obyektlariga yetkazilgan zarar 304,2 million pesoga (taxminan 5,17 million dollar) baholanmoqda.

Tayfun 104,5 mingdan ortiq fermerlarga ta’sir ko‘rsatgan. Ilgari 166,6 ming gektar maydonda hosil yo‘q qilinganligi haqida xabar berilgan edi. Hisobotga ko‘ra, qishloq xo‘jaligiga yetkazilgan zarar 3,07 milliard pesoni (taxminan 52,3 million dollar) tashkil etadi.

• Filippin