Immunitet mustahkam bo‘lishi uchun barcha moddaning organizmda o‘z o‘rni bor. Shu qatorda temirning ham.

Agar organizmda temir tanqisligi uchrasa ayollarda hayz sikli izdan chiqadi, erkaklarda esa jinsiy zaiflikka sabab bo‘ladi. Gemoglabin miqdorining me’yorida bo‘lmasligi, insonning kuchsizlanishiga, depressiyaga va sochlarining to‘kilishiga olib keladi.

Mutaxassislarning fikricha, gemoglobinning oz miqdorda kamayishi ham favqulodda holat sanaladi. Gemoglobin erkaklarda bir litr qonda 130-160 gramm, ayollarda esa 120-140 gramm bo‘lishi me’yor hisoblanadi. Gemoglobin miqdorining kamayishi, shuningdek, oshqozon yarasi, eroziya, hatto saraton kasalliklari kelib chiqishiga ham sababchi bo‘lishi mumkin ekan.

Shunday ekan, har bir inson o‘z tanasidagi temir moddasi va gemoglobin miqdorini nazorat qilib borishi kerak. Temir moddasi bor preparatlarni faqat shifokor tavsiyasi asosida qabul qilish lozim.

• Lifestyle
• Tavsiya
• qiziqarli
• salomatlik